Өнгөрөгч 10 жилийн хугацаанд Япон улс дахь Исламын шашинтай иргэдийн тоо бараг хоёр дахин өссөн байна. Одоогоор Япон улсад 230,000 гаруй Мусульманчууд амьдардаг бөгөөд Исламын шашны 110 орчим сүм хийд байна гэжээ.

Сүүлийн 10 жилийн хугацаанд Япон улсад Исламын шашинтнуудын тоо мэдэгдэхүйц нэмэгдсэн гэж Васедагийн их сургууль судалгаагаа танилцуулжээ.

2010 оны байдлаар Япон улсын Мусульманчуудын тоо 110,000 орчим байсан бол 2019 оны эцэс гэхэд 230,000 болж өссөн байна. Мөн 50,000 гаруй Япон улсын иргэн Исламын шашинд хөрвөн оржээ.

Мусульманчуудын тоо нэмэгдэж байгаа нь улс орон даяарх Исламын шашны сүм хийд, мөргөлийн газар, халал хоолны газрууд нэмэгдэхэд хүрсэн.

Өнөөдөр Япон улсад Мусульманчуудад зориулсан 110 орчим сүм хийд шашны үйл ажиллагаа явуулж байна.

Мусульманчуудад мөргөх, залбирал үйлдэх газар Япон улсад хангалттай байгаа ч тэдэнд нэг асуудал гарч ирсэн юм. Япон улсын нийт хүн амын 99% нь нас барсан хойноо шарилаа чандарлуулдаг бөгөөд үүнийг Исламын шашин хатуу хориглодог.

Тиймээс Беппу Муслим Холбоо 10 жилийн өмнөөс л оршуулгын талбайд зориулж газар хайж эхэлсэн бөгөөд 679,000 ам.долларыг босгож барилгын ажлыг эхлүүлэх дөхсөн. Гэвч оршуулгын газрын ойролцоох тосгоны оршин суугчид усан хангамжийн талаар асуудал гаргаснаар барилгын ажил тодорхойгүй хугацаагаар зогссон байна.

Исламын шашин нь 1920-оод оны үеэс Япон улсад анх дэлгэрсэн бөгөөд Оросын хувьсгалаас зугтаж арлын оронд цагаачилсан Турк Мусульманчууд авч иржээ. Харин 1980-аад оны үед Исламын шашин огцом дэлгэрэх давлагаа тохиосон. Японд Иран, Пакистан, Бангладеш зэрэг улсуудаас ирсэн цагаач ажилчид анх сүм хийд барьж эхэлсэн юм.

Leave a Reply